挑戰者一號Ready Player One影評  植入式集體回憶之王

由史提芬史匹堡執導的科幻片《挑戰者一號》改編自同名英文小說,不過咁都唔係重點,最重要係成套戲幾乎係所有電影中嘅集體回憶之王,乜嘢《街頭霸王》春麗、《回到未來》「DeLorean DMC-12」戰車、King Kong甚至高達通通出嚟撐場,睇牌頭已經sure win!

劇情就唔好要求太高

《挑戰者一號》大玩虛擬現實同埋電玩元素,係捉到而家新世代嘅話題,但當中想講嘅道理,其實就有啲out,而且劇情又真係冇乜驚喜,有啲人睇完覺得失望。但係講真史匹堡咁多年都唔係太玩扭橋,故仔你頭果10分鐘都估到七七八八,橋段冇錯係有少少老土,不過都一定係好完整唔會太流,至於緊張情節加感觀刺激一定係陸續有來,呢個可以話係史匹堡一向嘅電影特色,《挑戰者一號》唔單只交足功課,仲會畀多好多你,可以話只要係佢嘅fans一定收貨!

建議大家睇兩次

由於套戲以「打機」做主題,成日出出入入虛擬世界,所以亦都好合理咁加入數唔盡嘅致敬彩蛋,頭先提過嘅春麗、高達同King Kong已經係好明顯咁出現嘅角色,仲有Hello Kitty、機械哥斯拉、《猛鬼街》 Freddy總共幾十個角色,仲未計唔同嘅場境、車款、海報,上網一搵原來幾乎每分鐘都植入式致敬緊唔同嘅集體回憶,雖然史匹堡都已經七十歲,但你諗吓唔好講創唔創意,單係要傾番唔同懷舊角色嘅版權,同埋諗吓點畀咁多嘢出場,都真係一個大考驗。呢套戲嘅評價就當然要去睇,同埋唔想劇透的話,你可能要睇兩次,因為第一次你一定留意唔到咁多致敬彩蛋,另外如果冇睇3D嘅朋友,通常都好後悔,所以不如睇多次吧!



You might also like More from author

Leave A Reply