阿鬼
初頭見到鄧寇克三個字，相信9成9香港人都唔知佢係乜水，分分鍾以為係個外國人改個中文名鄧寇克！其實在二次大戰中呢個地方好有名，因為三十幾期英法聯軍，就係靠呢個地方5日內成功走佬，成為日後大反攻的重要資產！
沒有主角的電影
歷史就講到呢度，今次由Christopher Nolan執導，大家都好有期望，之前佢嘅Batman、Inception、Interstellar都係有科幻元素，大家都買定花生睇下佢拍歷史事件有咩搞作。一上畫大家嘅評價就比較一般，有啲人甚至話佢根本被人捧上神枱，呢套戲佢終於露底；我明白，一套戲沒有主角、沒有英雄，沒有敵人，點會值得狂讚？甚至影評人都唔知點寫，連對白也少得可憐的戲好難去評，唯有再寫多些歷史上的鄧寇克交下功課算了！
人人都是英雄
首先，我覺得要好似一般戲咁加主角加主線，一定難唔到老蘭，佢呢個級數唔會咁都唔識，拍得出Interstellar的人唔會流到咁！所以，佢‧係‧特‧登‧的！點解要咁做？佢就係想突顯在戰爭中人人都係配角，只有歷史同天意係主角，個個人都只係被命運支配，你見所有角色都唔需要有名，亦唔需要做一些驚天地泣鬼神的任務，就如鄧寇克事件一樣，靠的是鄧寇克平民揸船，即使係看似平平無奇的集體行動，就已經可以救出幾十萬人！只要有心，人人都是英雄！
[the_ad id=”41111″]
最好睇IMAX
當然，要還原歷史原貌，老蘭暗地裡做了不少功夫，用IMAX及65厘米膠卷底片拍攝，加強臨場感及迫真感；配樂大師Hans Zimmer配樂，在仿如默劇的《鄧寇克大行動》，音效真係好重要；實地取景，重現當地的現實環境；在沒有血肉橫飛的特效之下，以上種種都非常重要，而無可否認，老蘭對以上種種仍然是相當堅持而且做得比Interstellar更好，所以即使唔似得戰爭片咁血腥、咁激情，但仍然好好睇，好睇在夠真，就好似有人拎左部攝錄機穿越去返果個年代，拍低當時的情境，所以《鄧寇克大行動》唔張揚，但一切功力盡在細節中。筆者覺得這套電影唔似一般電影，但絕對值得推介，但最好睇IMAX，因為會令到現場感強烈好多、真好多，而這套戲最值得讚的地方，就是真！
[ae-fb-embed url=”https://www.facebook.com/winandmachk/videos/1745245692169045/” width=”720″]
