甜一刻Sweet Moment拒向安心出行跪低　　唔做堂食寧只做外賣

政府早前宣佈，由12月9日起全港食肆強制使用安心出行。位於長沙灣福榮街的甜品店甜一刻Sweet Moment，在政府未正式公佈時，已發文章表示「跪你老母！外賣咪外賣！」。至日前政府公佈後，他們仍然企硬，在社交網絡中寫道「要安心岀行咪唔做堂食」，及「做得一日得一日」，他們強調不做順民，又叫大家唔好慣。有網民熱心留言支持，但希望甜品店不要勉強，甜一刻回應指「無話勉唔勉強」，「覺得呢個係一個社會責任」。