in

身在英國  但又掛住香港味點算? | 入英隨俗

這個專欄明明叫入英隨俗,當然都想大家盡快融入英國。不過始終大家都係香港人,去到英國或許仍然會掛住那份香港味道。其實,不止是現在的移民潮,很久以前都有不少香港人都移居世界各地,只是數量無近期般特別明顯。英國很早就有大旺不同的華人超市,當中都有不少香港的來貨產品,就算是大型連鎖超市Sainsbury’s或Tesco,都有不少選擇。今次筆者就和大家先睇睇Sainsbury’s的情況。

好多超市已經會有一行主攻亞洲食品,入面包括有印度、日本、東南亞等等食材。當然唔好太妄想有日本直送,始終係英國。但是,基本煮食調味、味琳、紫菜、壽司米到萬字醬油都會有。最不可多得嘅係李錦記,其實李錦記早就主動在歐洲、加拿大以至美國賣不同產品,係英國賣當然都有很長歷史,基本香港見慣的調味都好齊全,懶人或新手煮飯真係唔怕煮唔番香港味道。

而香港人最愛的出前一丁即食麵,係Sainsbury’s都會有,筆者係Tesco都見過,售價都係55p,唔係話特別貴,不過係連鎖超市通常都唔係香港製造。若果真係要香港製造,可能真係要去華人超市搵搵。此外,其實還有檸檬茶等,夠曬切合香港的口味。

不過,最後都要頭盔講一講,英國咁大個國家,每一區售賣的華人食品都可能有唔同,例如有地方會有台灣撈麵,有啲可能完全無,真係要睇番你運氣。


入英隨俗為winandmac新聞新專欄,從香港人的角度,談及在英國生活的各種不同衝擊。無論你是否已身在英國開展新生活,抑或打算快將去英國,本專欄作者與大家在英國一同成長和學習,母忘香港人的身份,同時也融入英國文化。

記者:阿鬼