in ,

汪明荃被林鄭邀請上節目談選舉  林鄭卻指阿姐問政治性問題

港台被新廣播處長李百全大清洗後,換來的係政治洗腦的一系列節目,包括由特首林鄭自己主持的《選委界別分組面面觀》。林鄭在最近一集邀請了汪明荃阿姐上節目,一開始阿姐就談到體演文出界議席改變,由原本60席減到30席,當然有很多人不滿。阿姐更提到,有一半聲音無咗,又指這些議席唔係全部直選。

點知林鄭竟然笑住口回應,指「阿姐,你問左啲好政治性嘅問題」。阿姐原本忍唔住即時想回應,但後來還是禮貌地讓林鄭解釋。林鄭講了一大輪都無乜直接回應,只係不停話要有廣泛的聲音。後來更對阿姐講,減的議席又唔係淨係佢個界別,叫阿姐體諒吓。

到節目差不多完結時,林鄭指呢幾年香港好亂,乜都做唔到,再問阿姐點睇而家完善咗選舉制度。阿姐又忍不住再罵多一次,指有一半聲音聽唔到,又再強調此界別會失望和唔開心。不過,到最尾阿姐都識做,話明白重整、重改、重修係一個需要,是為了整體社會利益,「既然國家定咗落黎」,一定要接受咁話。但阿姐都希望會逐步改進,希望可以實現港人治港。

記者:阿鬼

國安法殺到,無話可說