支付寶宣佈投得港鐵入閘系統  全港所有站都會用兼正式大陸化!?

0

雖然香港其實都同大陸無乜分別,但呢啲新聞一殺到,其實都有少少震撼力嘅。之前話港鐵會換過曬啲入閘機,當時仲有人話可能會有埋Apple Pay和Google Pay,不過都係得個吹字,未見過實物又未正式加,講黎都係曬氣。我國的支付寶就唔同了,今日正式宣佈投得港鐵二維碼收費系統,全部港鐵站都會用。

支付寶仲好風趣嫁,佢地係個新聞稿話「憑著提供有效可行的二維碼解決方案、多年豐富的二維碼應用經驗和良好的品牌形象,從眾多競標參與者中突圍而出」,所以成為港鐵收費系統應用二維碼的技術供應商。咁都係嘅,始終香港人口裏説不,咪又係日日走去用支付寶,用到大陸人都嚇親,點解香港人明明有得揀,但硬係要揀大陸人被逼使用的支付模式。

大家都唔駛擔心佢慢嘅,始終而家新嘅二維碼付費方式,可以離線做,佢得閒先同步番啲嘢都得,所以唔駛擔心。支付寶講明,計劃將於2020年為全港91個港鐵站提供二維碼收費系統,到時香港生活上面,就更加同大陸一體化,咁就真係夠曬愛國愛黨了!

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More