令人作嘔的支付寶  香港人可否大大聲拒絕兼講唔好?!

0

香港人的弱智程度,真係O咀廿萬次都搞唔掂,難怪大陸品牌係香港愈黎愈囂張。好似今日蘋果日報講咗,支付寶和微信支付香港有問題,佢地無好好做好把關,用SMS認證,搞到係人都可以簡單地加到卡,好鬼危險。轉個頭支付寶居然發個稿,串嘴話俾大家知,我地香港成功投共愛用支付寶嘅人,升到150萬。

爆少少料俾大家聽,支付寶搵個間香港公關公司,都唔係咁好。咁都算啦,品牌可以做番好少少,咁就唔駛咁令人討厭。人地微信支付都唔會係明明今日蘋果爆曬料話有事嘅時候,出篇稿話:我地好多人支持呀,仲有一系列新優惠咁核突。又再爆多少少,最少微信支付香港個公關,唔會主動與記者為敵,有心機同我地呢啲被人認為「反共」(其實我地好愛國嫁⋯)、「難搞」、「間公司由老闆到員工都咁鬼惡」嘅網站仔,慢慢聯絡介紹番微信支付香港有乜好。

最令小編激到出煙嘅地方,係香港人真係好唔生性,明明知道支付寶串到喊,又有一定問題,都仲係衝出去用。難怪身邊好多大陸朋友,都忍唔住問:我地在內地一定要用沒辦法,你們香港用來幹啥?

唔好同我地講和平理性呀,反抗、拒絕大陸化呢啲嘢,唔係拎和平理性出黎嘅時候黎嫁。我地夠知蘋果篇報道,同埋之前有人提過嘅,係支付寶本身無問題,但問題都係歸於原本啦,大陸品牌無做好把關,呢個無得賴嫁喎。

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More