民主黨其實撐港珠澳大橋和高鐵？！　　大搞街坊團宣揚我黨之偉大！

好多人都話，泛民和建制派其實而家都好難分。小編其實都同意嫁，好似佢地話反高鐵、反港珠澳大橋，後來被民建聯狂串泛民後來喜迎港珠澳大橋。被人話完嘅泛民，唔知其實心底裏係咪其實真係好愛國愛黨，居然仲無情情搞個街坊團，同市民大力為我國共產黨宣傳呢啲大白象工程。

民主黨沙田區議員吳錦雄居然大搞街坊團，仲大大力宣傳一次過去足兩個基建，同街坊努力宣傳我黨在香港興建的港珠澳大橋同高鐵。工聯會嘅陸頌雄都忍唔住放上Facebook講下，除咗串爆民主黨都讚好大橋之餘，仲同時指出話佢地個張相用錯咗。吹漲嘅係，有報道話吳錦雄回應明報嘅查詢，仲夠膽話「已經上晒馬、完成埋」。香港人仲諗住靠泛民大大力阻止政府亂起大白象工程？諗下好啦。