好無無睇亞視app又唔同咗樣？　　加咗tvN電影台是否要支持下

真係無睇一排都唔知，原來亞視仲繼續努力緊。小編手痕更新咗隻app，睇下有咩唔同，點知原來以往舊底啲大陸台無曬，反而keep番A1台和經典台。以往的tvN都仲係度，近排仲同佢地加強合作，出埋tvN Movies電影台，有唔少香港人都鐘意睇嘅韓國電影，例如1987逆權公民。

其實最令人欣慰嘅係，亞視app終於無再用以前個種設計，似番大台個啲電視app，底部寫番清楚唔同內容類型，主介面可以一次過睇番個個類別有乜睇等。用個陣唔會再咁煩，睇落亦都少咗陣亞視味。用嘅時候真係好咗唔少，雖然廣告呢家嘢就實有嫁啦，但新設計最少令大家用嘅時候無咁辛苦，都會願意睇多啲嘢。佢內容無大台咁多嫁啦，但韓流之外其實都買咗唔少英國節目，都值得睇下嘅。