盜墓者羅拉Tomb Raider最新影評  吳彥祖根本冇入個墓

0

講真一句,而家咩都興翻拍,上次Angelina Jolie做盜墓者羅拉都17年前,今次做番呢個牌頭再拍,一班打機打大兼對羅拉J咗好耐嘅宅男,應該有一定期待,只要拍得唔係太流,大家都應該收貨,只可惜,有時事實的確不似預期。

有人彈今次主角Alicia Vikander唔似羅拉,我知,當年Angelina Jolie果副偈係咁跳來跳去,大家嘅感觀的確好大衝擊,之不過講真一句,Alicia Vikander個款都唔差,佢嘅身型更加fit,我心目中的羅拉其實更應該係咁樣,因為心口太多肉,又真係好難有說服力佢可以輕易避到機關,你懂的!反而最令人覺得失望的是吳彥祖,話晒首次在荷李活電影擔正,成個香港宣傳都俾你覺得佢係男主角,但係佢係冇入到個墓!呢套戲叫盜墓者喎,雖然女主角係羅拉,但作為男主角完全行行企企,總係覺得唔太合理。

選角又或者角色做幾多戲都算了,畢竟有時檔期唔係咁易就,我都可以接受嘅!但係作為盜墓片,除了羅拉之外,什麼最重要?當然係個墓啦,咁於是我就覺得如果夠驚險夠鬥智鬥力,都叫做唔錯啦!點知發現無論機關到最後條屍,都係非常之一般,一般成點?咪就係你應該似曾相識,亦都會覺得以而家嘅電腦製作技術,應該可以靚啲,但就冇令人驚喜嘅盜墓場面,一切都咁理所當然!至於故事中的反派,更係由頭到尾你都覺得佢好流,Alicia Vikander於是就變咗做獨腳戲,一個人點樣去演,都難以帶出火花!最後一句,翻拍唔係問題,但可以俾多啲啲誠意嗎?

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More