阿鬼
Game Night《今晚玩救你》一聽個名就知係喜劇，班底大有來頭，由《邊個波士唔抵死？》男主角Jason Bateman同靚女Rachel McAdams做搞笑兩公婆，由玩遊戲開始到最後真真假假，玩得幾盡！
香港近排流行玩Board Game，戲中的男女主角就係玩Board Game的高手，不過當回到真實時，男主角Max的大哥就樣樣都更加有成就，令到男主角好無癮！甚至佢大哥玩遊戲亦玩得更勁，搵埋真人綁架自己，邊個可以救到佢就可以得到名車一架，又豪氣又抵死。但去到中途卻發生了意想不到的轉變，大家越玩越大最後變成了一個誇張的大行動！
睇這類戲劇情其實唔係太重要，不過《今晚玩救你》抵讚的地方是笑位設計得唔錯，即使不是次次都捧腹大笑，但笑位出現次數都幾頻密，輕輕鬆鬆又可以笑到2個鐘。很多外國喜劇都有一個問題，就是美式笑話太多，香港人未必笑得出來，《今晚玩救你》就完全沒有這個問題，笑料都是簡單易明又輕鬆那種，加上Jason Bateman同Rachel McAdams的演繹幾合照，令到本片加分不少。其他演員都交到戲，尤其由Jesse Plemons飾演的兩公婆鄰居，就更加有出色的表現，最重要的一兩場都是由佢來帶出高潮。相對之下，今次的歹角就有些失色，本來可以更加搞笑的，但似乎演得未夠癲喪，有點浪費。
[the_ad id=”41111″]
《今晚玩救你》仲有一個估唔到的地方，是笑聲背後還講了少少人生道理，包括男主角點睇人生點睇成就，由最初頭他在遊戲中才可以證明自己，到最後他也終於可以放下執著，在真正的生活中也可以尋找到快樂。《今晚玩救你》雖然唔係狂笑的喜劇類型，但小品式的笑料絕對可以令你放一放鬆，而且近幾個月的喜劇實在太爛(包括子華神)，呢套已經絕對贏了幾條街！
[ae-fb-embed url=”https://www.facebook.com/winandmachk/videos/2053411701352441/” width=”720″]
