Storks BB宅急便影評 賣可愛又真係幾可愛

storks02
動畫好多時都係賣可愛,而影片以BB為主題亦都係賣可愛,今次這套《BB宅急便》就索性雙料齊下,在動畫上加入大量、大量的BB,實行用可愛元素強行播放,究竟可愛加上可愛,會是超級可愛還是變了超級難頂?

storks05

storks06
好簡單講下故仔,本來以送BB為天職的送子鸛,已經轉型為速遞公司,即係幫淘淘送貨果類公司,不再送BB,而原本的BB製作機亦已經停止運作。主角Junior是一個快將上位做波士的速遞鸛,由於不忍心炒成日撞板的人類員工糖糖,於是將她安置在一個無聊崗位,但卻意外啟動嬰兒製作機,製造出一個非常可愛的BB,Junior為了可以順利上位,想辦法將BB送出去搵主好人家。


storks08

講真個故事有少少簡單,不過作為動畫故事,又唔係下下都要好似Pixar出品咁有深度,直接簡單有時會睇下更加輕鬆。小記覺得最吸引的是好多小節都能夠處理得好搞笑,例如Junior的大老闆一提到「波士」時,畫面的誇張效果就充滿笑點;而狼群追逐主角時出盡八寶的變陣,也令人不禁發笑。

storks07

storks01

當然,全片最可愛、最吸引的便是最後的大場面,完全有種食自助餐食到飽的感覺,即使是動畫也很少有如此大堆頭的場面,感覺的確係好震撼!要評價的話,《BB宅急便》是一套適合帶小朋友入場的電影,至於大人嘛,最好是和囡囡拍拖入場睇,如果是單身一位男子的話,相信感覺是有點怪怪的!



You might also like More from author

Leave A Reply