阿鬼
之前提過OLYMPUS 會出一個接環，內建1605萬畫素的 M4/3 感光元件，只要接上M4/3鏡頭就可連接手機拍照拍片，好快日本網站Watch已經試機，感覺真係好大支！
就圖片所見，只係接上一支唔算好大的M.ZUIKO DIGITAL ED 14-42mm F3.5-5.6 EZ，但感覺已經相當巨型，而且後方夾手機的位好似唔係太穩陣，睇落部機隨時甩出嚟，有點「牙煙」！至於介面就設計得幾簡約易用，而拍攝出來的試相都幾有質素，咁始終都係用1605 萬畫素M4/3感光元件，照計都有一般M4/3相機質素。
