阿鬼
發財當然要立品，唔少富豪發達之後都會捐錢做善事，而不少機構收錢後都好識do，搵返座建築物命名一下富豪都好應該！最近Facebook創辦人Mark Zuckerberg就豪捐6億比三藩市總醫院，院方決定以佢同太太的名字命名，嗱，外國年青才俊都係咁，我地唔好再怪香港醫學院點解用誠哥個名喇！
話說Mark Zuckerberg 同老婆Priscilla Chan捐了7,500萬美金，即係差唔多6億比三藩市總醫院基金，係該基金94年以來最大筆捐獻，呢筆款項將直接為15年底落成的新院購置新醫療設備，其實Priscilla Chan同三藩市總醫院好有淵源，她就讀加州大學三藩市分校醫學系的時候，就曾經在三藩市總醫院的兒科實習，並且和很多醫生共事過，經過她親身體驗，認為值得捐錢比三藩市總醫院，之後醫院將命名為Priscilla and Mark Zuckerberg三藩市總醫院及創傷中心，本來只係一個剛剛畢業的實習醫生，而家連醫院都要以佢命名，所以你話：識嫁，幾時都嫁有錢人！
