in ,

採訪手記:Facebook香港公關永不回覆細傳媒  但今次卻⋯?

now新聞台的7分鐘游乃強、警高層與白衫在祠堂密會片段,突然在Facebook直播中消失,引發不少網民強烈關注。作為傳媒,我地直接搵番Facebook香港內部公關,直接問番個原因。

其實,Facebook香港一直對我地呢啲細傳媒,一直以來採取0回覆、0致電、0反應、0處理、0照顧嘅公關策略。講得難聽啲,根本同中國香港政府一樣,睬你都廢x事。

不過今次事件,send出去封電郵唔夠幾分鐘,就即刻有人打我地老闆手提。

問題來了,就係記者發出去嘅電郵上面無winandmac香港手提電話(係,我地知道要加,但記者忙中有錯)。公關究竟點解緊張到,係幾分鐘內要搵番曬以前啲聯絡,對番winandmac Media係邊個唔出名無人睇嘅做老闆,然後勁急半小時打俾佢?同埋,最重要點解無情情突然改變乜都係0嘅策略?

至於Facebook香港好多大陸同事,同染紅有無關係,小編在此不作評論,廢事又被人話歧視。你知啦,警察明明憎到示威者死,出黎做下show扮下嘢,你班市民就激讚啦

記者:阿鬼