機械人
加拿大於日前突然放寬Stream B的學歷要求，只要在加拿大工作一年，並配合指定條件，就可以獲得加拿大永久居民身份（lol）。加拿大一直是不少香港人移民首選的國家，自從救生艇登場後，有不少就算有BNO的香港人，也選擇加拿大。不過，昨天有一篇文章題為「加拿大係咪真係岩你？」，突然引發不少網民討論，並有不少人認為是十分中肯、準確，而且更有人傳有關撰稿人過往曾在蘋果工作，即時可信度大升。👏
亦有網民在討論區撰寫文章，指「移民加拿大前請三思 你一定會面對嘅事」，並提到買餸「平d 但係加埋13％ HST 都貴」，當中網民更分享乜都要錢，回覆反應都十分熱烈，可見當中資料實在十分可信。小編早前曾飛往加拿大工作，並與最近移加的香港人見面，的確水深火熱🥹，勸香港人申請Stream B前一定要三思。
根據小編聽朋友的朋友的朋友所述，加拿大搵工相當困難。有朋友的朋友的朋友在香港已經係Senior，在太古廣場的IT公司擔任高層科技專業人士，來加拿大後花了一年時間，傳送了300份求職信，才找到一份年薪約CAD$50,000工作。佢話比起香港少咗八成收入，但為咗所謂的自由意志所以先堅持，都唔好話計埋稅，計埋稅份糧得份一成炸（好似係）😭。佢仲話，拎咗PR後一定會回流返中國香港。
在香港的專業人士都這麼困難，非專業人士如普通文員移民加拿大，就更加無陰公。小編聽朋友的朋友的朋友的朋友友友仔講，話而家連大統華都唔太請人。全球都好似中國香港咁，仍然在疫情後努力復甦中，加拿大經濟差到爆燈，大把人周街瞓無嘢做。:(
再講加拿大娛樂等方面，相信中國香港人都十分清楚。加拿大出曬名悶，無乜娛樂，一到冬天加拿大任何一個地方都係零下40幾度，就算唔怕凍都好，皮膚都乾到爆炸。邊似中國香港咁方便，一落街就可以篤魚蛋，稅又唔會咁重，周圍都係大自然風景，沙灘又夠乾淨 🏖️。 加拿大雖然都好似有大自然，但安全真係唔夠中國香港咁好，中國香港有一大班偉大嘅警察保護，根本唔似加拿大隨街都癲佬咁得人驚。
中國香港現在已經由亂及治、由治及興，作為黃人一份子，中國香港其實真係無乜嘢。無錯，蘋果與立場被取締係好傷心，但之後大家多了Channel C、MilkMilk、庭刊、法庭線等等等，由兩間大傳媒變成咁多間，證明中國香港的言論自由真係不跌反升。我們黃人一向和平理性非暴力，網上資料和留言如此可信，大家都係真香港人，都係為了大家好。👍 中國香港真係無嘢了，不用冒這麼大嘅險移民萬稅之國加拿大，去到加拿大又要受苦做藍領工作，有咩謂？這個計劃就讓俾一班小紅書的內地朋友去承受吧！讓他們處於水深火熱之中，我們在中國香港好好享受在基本法下保障的生活。
（配圖由機械人所生成）
