藍剔之亂：Twitter Blue服務開始推出　　灰剔無咗、真假難分搞到出曬事

Elon Musk收購Twitter後，表明大家只要肯俾US$8月費訂Twitter Blue，就可以擁有藍剔，與過往嚴格審查才有情況不同。不過，這亦令很多人擔心，會有很多專登想假扮知名人士，走去買藍剔呃人。有產品經理曾表示，Twitter會再加一個灰剔，灰剔旁會寫著Official，讓用戶更易分辨。不過，有關建議很快就被Elon Musk取消，亦即不會再加灰剔。

外國時間今日起已過美國中期大選，Twitter亦正式推出新的Twitter Blue服務。雖然在美國時間9日或之後建立的新戶口，暫時不能付錢訂Twitter Blue拎藍剔，但仍然有很多人用舊account訂Twitter Blue服務拎藍剔後，假扮成一些出名的帳戶，例如LeBron James、Aroldis Chapman、任天堂、甚至乎Twitter都有。

雖然Twitter真官方帳戶表明會積極封鎖這些假戶口，但實在太多，要封都要時間，引發嚴重藍剔之亂。其他一般用戶唔清楚，以為有藍剔就可信的話，隨時唔小心中伏。