阿鬼
面對Facebook打壓下，我們早前宣佈開啟winandmac Media官方Telegram頻道，並已於短時間內經Telegram協助下取得藍剔認證。有一些「聰明」的讀者，Google知道Telegram是由俄羅斯人開發，就不停鬧我們winandmac Media是收了Telegram錢、為俄羅斯洗白、支持俄羅斯云云。事實上，俄佬創辦人Pavel Durov的反抗俄羅斯克里姆林宮的故事，十分經典且可以在Google找到。
全名Pavel Valerievich Durov雖然來自俄羅斯，於2006年時在俄羅斯創立VKontakte社交網絡，由於太過成功被稱為俄羅斯版Mark Zuckerberg。我們在過往報道中都有提過，Pavel當年被俄羅斯政府要求交出更多VKontakte控制權時，Pavel竟然用一張狗狗伸脷相回應，串爆後亦因此被逼流亡海外。
之後，俄羅斯又曾要求Pavel「開放」Telegram解密訊息功能，讓有關國安機關可以直接查閱用戶訊息，但遭到Pavel拒絕。除正式拒絕外，Pavel當時還多角度以不同方式串爆和恥笑俄羅斯通訊局Roskomnadzor。俄羅斯當局威脅，Telegram必需遵從要求，又或者從俄羅斯當地的數碼世界中消失。Telegram當然沒有理會，反而用Proxy網絡方式，令Telegram仍然能在俄羅斯生存。俄羅斯最終被逼要取消有關要求，讓Telegram繼續生存。
Telegram協助俄羅斯反對派抗爭者的新聞其實很多，今次難以一次過講完。Pavel已在德國柏林成立公司繼續運作，再加上他真．前線與普京對抗，根本不用過份質疑。他更希望其Telegram程式員兼支持者，可以考慮幫中國和伊朗建立這些Proxy網絡，令中國和伊朗也可以用到。
我們轉場去Telegram，一蚊都無收，主因是Facebook打壓太嚴重，難以向大家發佈新聞。Telegram僅協助認證小編的記者身份，變成藍剔認證頻道而已。Telegram頻道的好處是大家可以自由選舉開啟通知，更容易知道我們發佈了新聞，吸引讀者入網站而已。講黎講去，其實唔係只係要大家訂Telegram頻道就完事，目的係要大家真係「入網站、入網站、入網站」。
老實說，這兩個月Patreon的訂閱人數仍然不停下跌，Google Adsense廣告跌至每月一千多元左右。網站整個收入不足一萬七千元，伺服器等網站經常性開支就已經一萬元，也不敢再想freelance寫稿的人。若果大家知道的話，小編早前亦已不幸流亡，未有正式的工作簽證身份，在每月燒錢的情況下，每月再要夾硬補貼數千港元以維持網站運作。小編本來不想在烏克蘭等危機、和林鄭搞到大家未必有工開情況下，叫大家付錢訂Patreon，寧願去幫助烏克蘭好過。但小編總要想方法解決，所以想嘗試使用Telegram頻道試一試，望能更易吸引大家按下連結，進入winandmac Media網站。正如上述所講，咩都假，Patreon以外，免費又真係幫到我地嘅唯一方法，就只有「入網站、入網站、入網站」。
又係你地係連登出幾頁post，批評winandmac乜乜乜，叫我地好好努力做新聞，唔好抱怨咁多。小編聽曬你地意見，好好改善有危難唔出聲怨，開Telegram頻道一試，唔收錢嘅，你地又要屌，又話幫俄佬洗白。催促大家俾錢訂Patreon又人血饅頭，叫大家主動啲入網站又唔入，一唔係就用ad blocker block 9曬。然後一間又一間傳媒倒閉，又淨係識俾個Sad反應，之後大叫完「香港傳媒已死」，就走去睇香港01方向報。做咩者你地？
winandmac官方新聞頻道@Telegram：https://t.me/winandmachk
