in ,

楊子矜丈夫朱偉星接受商台訪問發爛渣  大叫「你地咁守法嫁咩」、斥商台散播仇恨

曾替太太楊子矜作檢測、出現假陽性個案的家庭醫生朱偉星,於今日接受商台訪問,不過期間大發脾氣。朱偉星與其太太楊子矜都有出席洪為民的百人生日派對,被主持人問出自己並無使用安心出行。朱偉星在節目中指「搵唔到code」所以無掃,主持人提到理論上應要檢查清楚有無針紙,朱偉星開始「燥底」,稱「理應要check係一件事」,又說一定不止洪為民,質疑主持人並說:「係咪所有宴會都check曬」。

主持人承認會有風險,但理論上應該要作出檢查。朱偉星此時就發脾氣,態度惡劣,大叫「你地咁守法嫁咩」。主持人回應「吓」,朱偉星再續稱「商台過去兩年,都唔係好鼓勵大家守法嫁嘛」,主持人要求朱偉星講清楚為什麼突然指控商台。朱偉星回應斥,無接受商台訪問亦無聽商台好多年,「你哋散播全部係仇恨,你地而家都係」。

朱偉星再稱「張敬軒演唱會又唔講」,主持人澄清兩者無衝突,並問道他是否想淡化此事。朱偉星回應稱有人不停用「打人式」方法討論感到厭煩,反問不斷討論事件是否真正有用。

記者:阿鬼