WWDC21：iOS 15 FaceTime將有新分享功能　　同朋友輕鬆一齊睇串流內容、可惜的是⋯

WWDC21的Keynote發佈會於數小時前舉行，一如早前傳言所述，主要是公佈新操作系統，為程式開發員提供最新資訊，所以並無新硬件。而且，今年iOS等新操作系統主要是細節改善為主，沒有太多重點新功能，吸引度僅一般。幸好，當中有一項新功能都幾特別，就是FaceTime的SharePlay功能。

用家可以與朋友分享手機的畫面，示範或展示不同的功能。最有趣的地方，是在Disney+、Hulu、ESPN+、NBA等apps睇片時，也可以像上圖般與朋友直接一齊睇，在疫情下要同朋友一齊睇片睇串流內容都更方便。可惜的是，在蘋果合作名單中，暫時未見Netflix。小編估計可能或許是版權問題，Netflix不想用戶這樣與朋友一齊睇內容，就像當年iOS 14推出支援畫中畫功能後，YouTube app至今都未正式推出有關功能的支援。