in

公務員事務局局長聶德權稱無理由要「鬥氣」  接種疫苗是為保護自己和家人

公務員事務局局長聶德權早前已經確定,下一批復必泰疫苗押後到港,可能無得揀只能打科興。雖然選擇很快只剩一款,想打都未必咁容易,但聶德權仍然努力批評香港人唔打針。早前他接受有線新聞訪問時,指希望市民不要「鬥氣」拒絕接種疫苗。記者問到,香港有針無人打,係咪反應咗整體社會對政府缺乏信心。

聶德權一開始就說,有些人可能覺得十分擔心會否有什麼副作用、嚴重事故。另外,他似乎也聽到市民意見,續稱「我都聽到嘅,有啲人係你政府叫我行呢度,我就唔行呢度,但呢啲又有幾大的比例」。他強調,到最後本身接種疫苗都是保護自己、保護家人、保護自己所關心的人,「我覺得無咩理由攞呢啲黎鬥氣嘅」。

記者問到會否用遊行做誘因,吸引市民打針。聶德權無正面回應,他僅稱「你講嘅基本上係一啲聚集,係社區各種原因聚集,最重要嘅,我地係唔想有一個感染風險」。

【專訪】【聶德權:沒理由「鬥氣」拒打疫苗】 【遊行可否做打針誘因?聶德權稱不想聚集有感染風險】

【專訪】【聶德權:沒理由「鬥氣」拒打疫苗】【遊行可否做打針誘因?聶德權稱不想聚集有感染風險】公務員事務局局長聶德權接受本台專訪時表示,本港接種疫苗速度緩慢,估計是因為市民考慮沒有緊急需要,以及不想跟從政府呼籲等,希望部分市民不要「鬥氣」拒絕接種疫苗。#有線新聞 #聶德權 #疫苗 #鬥氣 #接種 #公務員事務局局

Posted by 有線新聞 i-Cable News on Saturday, June 12, 2021

記者:阿鬼