in ,

深水埗饗車仔麵被批評篤灰後停業  究竟有無俾錄影帶俾警方?

早前有連登仔發表文章,稱2019年8月29日有人圍深水埗警署當日,本身只告3位示威者暴動。文章指因為饗車仔麵篤灰,重新再把閉路電視交給警方,令警方有足夠證據再告多15名示威者。連登仔更製作懶人包,指責饗車仔面難食都算,篤灰告示威人士仲衰過藍店。有人更聲稱饗車仔面與警員子女和黑社會有關,亦有人聲稱員工以粗口方式回應網民。事件發生多日,無論網民多番在饗車仔麵責罵留言,饗車仔麵都無回應。

如今他們終於就此事回應,饗車仔麵指2019年9月初有警察上門要求交出片段,當時不懂法律知識,只知道警方有搜查令就要配合警方。饗車仔面否認翌日或近月重新交片俾警方。另外,他們強調所有員工都無就此事回應或評論,涉及有黑社會背景或是警察仔女的言論同屬虛構。他們續指是次事件因無知及疏忽而導致事件發展至今,令多位人仕涉案,饗車仔面感到難辭其咎感到萬分內疚,並決定於即日起停止營業。

不過,網民對有關回應仍然不滿。有網民指,就算警方要求都不一定要俾,就算不懂法律也應該用腦去諗諗。另外亦有網民指唔好俾藉口咁話,比咗就係比咗。此外有網民指饗車仔面仲衰過藍店,不要扮執苙之後再開。據稱,深水埗警署附近六間店舖僅得饗車仔面有按要求交出片段。

記者:阿鬼

國安法殺到,無話可說