屋企用1Gbps都覺上網太慢?!   Linksys VELOP WiFi 6+真Mesh真穩定

0

面對武漢肺炎疫情仍然反覆,很多人若果沒有特別事情,都愛留在家中上網。上網的速度已經愈來愈快,不少人或許都已經有1Gbps光纖上網,但不知道為什麼左set右set,家中上網速度仍然慢得驚人,得幾十甚至百幾Mbps都算,仲要唔穩定先攞命。其實,或許是因為住所的間隔或設計,影響Wi-Fi訊號的覆蓋。我們早前在一個遇到同樣問題的家庭,試行用Linksys VELOP WiFi 6+真Mesh路由器,看看能否解決問題。



作為一般用家,未必明白為什麼Mesh路由器要兩個咁買,同埋點解香港居住環境咁細,都要買兩個。其實第一主要是因為香港的居住環境好多都較奇怪,會做成不少死角。假設你係駁線個度插一般Wi-Fi路由器,其訊號可能只是一個轉角位,或有少少阻擋,就大受影響。Linksys這類Mesh路由器,本身有WiFi 6 Velop網狀系統,只要按指示設定,可以令家居Wi-Fi覆蓋無乜死角之餘,仲可以更穩定。

Mesh路由器其實不會太難設定,假設你買了一對兩個,只要把其中一個接駁至上網就可以,記住上網線要插在Internet即可。另外一個只要駁電線即可。當然,我們先設好第一個再說。

當然,這一篇講明是實測,也不是廣告,我們不會狂讚Linksys。理論上,在設定第一個時,按指示開啟藍牙便可,可惜我們親身實試時,遇到有些微問題,幸好最後重試便可。希望未來可以進一步改善設定方式,變得更簡化和快就好了。

理論上大部份過程都是自動化,倘若有問題的話,指示都算是清楚,跟住去檢查和修正通常都能解決。

完成後就會看見上圖左邊的情況,此時家中的裝置可以嘗試連接第一個設好的Mesh路由器,當中主介面還有測試速度功能,可以測試由Mesh路由器實線連上網情況,清楚看到本身上網速度是否正常。我們初步測試時,發覺明顯穩定性比以往的Mesh路由器更好,能穩定地提供300-400Mbps左右的無線速度。Linksys官方提供的資料稱,新的Velop MX5300 WiFi 6,本身就是為了家居愈來愈多無線裝置而來。

當然,設定一個Mesh路由器玩單機,似乎有點太搞笑,另外一個始終無可能放係度唔用。在剛才的主介面,按選單就能揀選加入新的節點,開始設定第二個Mesh路由器,畫面會提示點樣放先係最好,當然按唔按建議去做是個人選擇。接著會出現上圖右畫面,此時按第一個選項加入新節點至現有的Mesh網絡中。

值得一讚的是,設定第二個Mesh路由器加入新節點的設定,雖然要等,但全部能自動化完成,幾乎不用手動,就能快速搞掂。

好多人會話,上網窒少少其實無乜所謂,上網load到網頁便算,平時又未必會睇片,沒什麼關係。這些想法其實十分奇怪,既然付了錢上網,當然要盡用,沒理由為了慳錢不買好一點的路由器,令自己受罪。我們今次測試中,最明顯的,是以往多部裝置同時睇片時就會出現無間Buffering問題,但轉用Linksys VELOP WiFi 6+穩定得多,裝置測試最高上網速度去到509Mbps下載,很少Wi-Fi路由器能做到。雖然Linksys VELOP WiFi 6+一對售價並不便宜,但能夠穩定流暢上網,減少不停Buffering的情況,才是最重要。

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More