睇片:中大女生除口罩哭訴在新屋嶺被性侵  校長段崇智極度冷血回應

0

中大校長段崇智數小時前聲稱與學生對話,其中曾多次出現譴責警方在新屋嶺,使用性侵和虐待的中大同學Sonia也有發言。她哭訴有關恐怖經歷,稱不止她一個受到性暴力,而且不分性別。她最後哭求校長譴責警方對被補人士包括中大學生施暴,但校長段崇智回應極度冷血,不愛惜學生,更不要說其他香港人,只簡單說所有暴力都譴責。以下是網民截錄的片段:

有網民把發言內容打成文字版如下:

警方要我地去邊就去邊,入黑房就入黑房,除衫就除衫。你知唔知道我地有人俾速龍用棍打到呢刻都要覆診?
你知唔知新屋嶺個搜身室係全黑?你知唔知唔止我一個受到性暴力?其他被補人士遭受不止一名警員不分性別性侵和虐待。你知唔知我地俾人打時,港鐵職員望住我地視而不見?你知唔知我地係拘留過程中俾人肉隨砧板上任人魚肉?大家可能唔明白點解我要三番四次企出來,原因係我件衫上面。

我生長係一個家暴既家庭,我無屋企人,我係香港只有一個屋企就係中大。我欣賞中大因為呢到既環境和人文精神,同時係社會運動發揮一定力量。我希望呢個屋企可以俾到關懷我地呢批被補人士,可以真切關心顧慮我地既安全。當我地俾人打、被性暴力時,你第一句係關心我地先,而唔係譴責我地爆左塊玻璃。

校長,以下唔係一條問題,而係一個請求。校長,我理解你要顧及學校唔同parties既意見再取平衡。校長,我願意鼓起勇氣除低口罩,請問你願唔願意一齊鼓起勇氣,同學生同行,譴責警方對被補人士包括中大學生施暴?

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More