in ,

冇M字額冇水滴  至抵玩全面屏Vivo V15Pro

筆者一向是全面屏的支持者,對那些M字額、水滴機款總是覺得古古怪怪,所以對於近年為求全面屏用盡方法的Vivo都幾欣賞,之前的NEX S的升降鏡頭及雙面屏幕,都成功做到全面屏,不過筆者覺得升降鏡頭就更加符合性價比,果然最近Vivo又推出中價位的Vivo V15Pro,以三千中的價位,究竟畀到你魚翅嘅味道?

▲ V15Pro的包裝亦走中價路線,盒面沒有上兩部機華麗。

▲ V15 Pro(左)的三鏡頭位好突出,比起NEX S多了廣角鏡,優勢明顯。

▲ V15 Pro(右)和NEX S比,只是略小一個碼。

筆者手頭上有之前屬旗艦級別的NEX S,講真比較之下定位中階的V15Pro並唔失禮,就鏡頭來講V15Pro有1,200萬像素主鏡頭、800萬廣角鏡及500萬像素景深鏡頭,雖然好多媒體都跟Spec寫係4,800萬,不過由於係插值而得出的像素,100%睇成像就唔夠結實,所以仍視作1,200萬像素,但因為多了一個廣角鏡,兼且自拍像素有3,200萬像素,以拍攝來講無疑是靈活性大好多。另外V15Pro的鏡頭更支援人面解鎖、人像光效拍攝等之前雙屏幕機的功能,所以功能上絕對比之前的NEX S更強大。

▲ V15 Pro不知為何用micro-USB介面,完全是一個謎。

▲ V15 Pro可以用不同的人像光效,影人可以有更多光效選擇。

▲ V15 Pro支援指模及人面雙解鎖。

▲ V15Pro(左)繼承了旗艦機NEX S(右)的升降鏡頭,而且升降更快速。

筆者試拍了大半日,覺得V15Pro用來影相拍片絕對係爽,尤其是影相後用全屏來看,覺得真係天空海闊好多。當然你要睇規格V15Pro就唔係旗艦機級別,首先佢係用Snapdragon 675以及6GB RAM,中階價位中階機款,而且好奇怪用了micro-USB,真係估佢唔到。如果同上代NEX S比較,V15Pro在攝力方面是遠勝,即使升降鏡頭的速度亦快得多,但NEX S的處理器較快、RAM更多以及內置DAC Cirrus Logic CS43199,在速度上以及聽歌表現上就比較優勝。如果你平時手機不用運行太多app,而對聽歌沒有太大要求或只用藍牙耳機的話,V15Pro就已經足夠有餘,始終$3,498的價位,V15Pro已經是交足功課。

以下是一系列的試相:

▲ 相片細緻度高,纖毫畢現。

▲ 普通鏡頭(上)及廣角鏡(下),分別明顯。

▲ 用廣角鏡可以拍出震撼的效果。

▲ 即使逆光下光度的控制仍然不俗。

▲ 光線較暗的地方亦拍得清楚,而且較光的地方也沒有出現過曝。

▲ Vivo V15Pro顏色表現自然,忠於現場環境。

▲ 室內白平衡非常準確,沒有偏色的情況出現。

記者:阿鬼