大陸式鼓吹用國貨華為風吹到香港  美國還要當香港是獨立關稅區?!

0

我地好耐之前都開始提,大家睇到大陸荒謬的新聞嘅時候,唔好淨係識得笑,因為香港遲早都會有份。好似日前有新聞話,大陸有科技公司要求員工用國貨,唔准用iPhone等美帝產品,否則扣獎金。不到24小時,香港的建制派議員就即時做俾你睇。拘捕了孟晚舟的美國,你唔係仲當香港係獨立關稅區呀嘛?

我地講嘅論點,唔係Android都係美國,硬件有唔少都係來自美國,而係整件事最大問題的核心,是孟晚舟涉違反美國對伊朗的制裁,又密謀詐騙多間金融機構,扮曬嘢話華為同香港成立的空殼公司Skycom無關。大陸被消息封鎖、被人亂煽動民族情緒也就算了,身在香港唔睇新聞了解清楚,爭住出黎話要轉用華為,這種盲目式亂撐,與大陸所睇到嘅根本無分別。

雖然而家未正式判,但美國能夠有這麼多理由落Charge,就一定有其理據。香港的議員都學足大陸咁,連少少基本的事實都唔睇,就走去煽動情緒,再一次突顯香港和大陸根本無分別。工聯會陸頌雄今日無情情去美國領事館,與大陸一樣亂咁發神經話:「我嬲嬲豬呀!」,硬係唔可以講一句:「進入司法程序唔講得」或「我唔清楚」,急住要擦阿爺鞋,仲要去錯美國領事館,認真唔知好嬲定好笑。

你地可能會話:你地成日都話香港已經係大陸咁嫁啦,講黎做乜者?係,但今日建制派的行動推波助瀾,美國駐香港領事館係咪應該立即匯報俾侵侵聽,話又多幾項證明,香港同大陸係一樣,係時候取消獨立關稅區?

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More