記者唔杯葛？小米香港發新聞稿　　自動把台灣當中國一部份

好多公關私底下都會講，全香港最和善無乜氣嘅，通常都係IT版記者。好似小米剛剛發咗新聞稿，主題明明係寫「小米再獲10億美元銀團貸款」，但入面提到中國嘅時候，包咗香港都算，居然夠膽包埋台灣。不過，香港IT記者出名唔敢言，又有邊個夠膽大大聲學winandmac Media係度寫？

[the_ad id=”41111″]
大陸品牌按中央辦事其實都好正常，不過好多其他大陸品牌係香港，都會就一就，提到台灣都會分番開，又或者寫「中國內地、香港、台灣」，一唔係就唔提。雖然香港小米都係大陸公關做埋，但其實佢地係有香港公關代理的（當然香港的公關代理會否其實都係大陸人負責，我地就唔知了），自動把台灣當在中國係一部份，唔通香港公關為咗搵食都唔理得咁多？

今次小米新聞稿寫乜winandmac小編就唔提咁多啦，咁樣自動回歸台灣都眼火爆啦，仲有乜好睇落去。之不過，香港的IT記者又會否杯葛，俾番啲壓力公關？唔駛諗啦，你地不如諗下一陣下午茶食乜好好過。