DSE考唔好讀唔到大學?  而家讀到先驚呀…

DSE放榜,先唔好理香港有幾多位狀元,啲狀元讀乜都好,總有一班後生仔係考得唔好。係香港呢個壓力到爆嘅環境下,總會唔開心,再加上香港啲傳媒淨係鐘意講狀元幾叻幾叻,只關心個1%,完全唔理99%,上唔到大學個啲咁點先。其實呢,等我話俾大家知,而家讀到大學先驚呀!

你若果係大部份正常嘅學生,DSE考唔好入唔到大學學位課程,夾硬因為香港大環境話要進修讀書,而走去讀,結果根本係浪費時間。況且,而家係香港,一唔係就炒炒炒,一唔係就被大陸人搶曬啲資源,你唔係仲信讀完書生活好啲呀?

你可能以為我亂up,DSE放榜啲傳媒就講讀書幾好幾好,唔放榜個陣個啲新聞你又有無睇過?大學生月入中位數得萬幾蚊、20年都無變過個啲新聞你又見唔見到?你可能會話,我讀好啲書咪得囉!香港有個根本問題,就係人太多,你幾叻幾勤力都好,唔代表你日後收入會好。

你若果屋企人唔駛你養,有個24孝老豆或老母買定層樓俾你就話。若果無,讀完搵極啲工都係萬幾蚊,拎住條死人大學債,仲有香港食嘢愈黎愈貴,到時真係有排捱。

小編唔係叫你地唔好讀書唔好進修,進修和讀書唔係唔好,與其係咪都欠債,倒不如去外國讀。最緊要,讀完咪鬼返香港啦,係外國搵份工留低啦,香港無嫁啦。



You might also like More from author

Leave A Reply