100毛成功上市　　正因為佢唔係傳媒！

好多人話腦細係傳媒大亨，但100毛以至毛記電視的成功，正正因為佢唔係傳媒，個個都覺得佢係網媒新出路，根本就係錯曬！

睇返100毛，係一個優化咗嘅content farm，偶爾做少少自家節目，其他嘅根本係抄抄貼貼，抽水度日，尤其係近一年要做靚盤數上市，所以之前好多節目都cut得就cut，但求貼啲開心呃like post，這樣算不算是傳媒，大家心中有數。

不過咁，真係做傳媒要成日update，又要自家製作，而家更加係又要相又要文又要片，絕對係燒銀紙的舉動，所以難怪全世界傳媒都難賺錢。而100毛之所以賺咁多，正正因為佢扮傳媒而實際上係一間徹底嘅廣告公司，努力line up上一輩藝人發光發熱再賺多水，所以在經營策略上，100毛是相當有生意頭腦的，但千祈唔好話網媒因為咁有得做，100毛係活生生例子，佢活生生不是傳媒，是廣告公司！