有樓有高潮?  再揭為何白痴港人無法脫離「大台」

在香港,有大把娛樂,從頭到尾都無需要痴住無綫大台,大把地方有好嘢睇。可惜的是,聲稱唔再睇TVB的香港人,到最後仍然無法脫離大台。快將推出的新節目「有樓萬事足」,又再一次成功引起話題。白痴的香港人,何時才會醒?何時才能真正脫離大台的魔抓?

香港人的金魚記憶,小編都不想再睇。有樓萬事足的節目監製岺應,每一次都用同一條formula,但每一次香港人都中伏。由宅男到盛女,每一次香港人都愛談論,到最後就算傳統收視麻麻地,但節目在網上的收視竟然可以創新高。今次岑應再用同一個方法,香港人仍然未學精,繼續中伏。

當然,你要睇啲乜,我呢啲小編無權控制。不過,我地只係想講,見到呢啲相關的POST(除咗呢個之外),若你真係唔想大台再亂咁黎,唔該你唔好再瘋傳,當睇唔到好過。無綫而家傳統收視難救,最想的就係引起網民瘋傳其相關節目。我地唔想講究竟上面呢位女士,係真定係假,我地只係覺得,若果大家真係咁唔希望無綫獨大,又或唔支持大台的話,點解都仲要講。

個Logic其實好簡單,我地做記者成日都話,任何宣傳都是好宣傳any publicity is good publicity。要成功脫離大台,打擊大台,最好的方法係乜?就係見到相關片段或港女,完全唔睇、唔理、唔俾嬲嬲,當睇唔到,等佢無反應。除非,你話俾我知,其實你好愛無綫,好愛大台,咁就另計啦。

圖片來源:myTV SUPER



You might also like More from author

Leave A Reply