阿鬼
香港人擁有金魚的記憶，幾個鐘頭後就問「今日午餐食乜好」。繼上次我地揭發以內容農場出身的BuzzHand有認證外，我地winandmac的編輯再多手去搵下其他同樣係內容農場出身的網站，結果真的是震驚千萬人，我看到第三行我就哭崩了！
沒錯，另一個巧叻叻有Facebook官方嘉許兼認證的，就係早前好出名的TEEPR！TEEPR做法比BuzzHand更加聰明和努力，開足多個Fan Page，分清不同類別。Facebook官方仲認證曬全部，你都咪話唔離譜！
好多人都話，香港Facebook根本唔係做嘢，只係掛住做賣廣告生意，你知啦，我地都唔想相信嫁，不過似乎事實真係睇數字，邊個幫Facebook搵到錢，咩假新聞呀、震驚千萬人呀、內容農場呀，「我唔知喎」。大家，係未來係咪真係要再諗一諗，藍剔代表嘅，究竟係真係認證網頁呀？定係內容農場呢吓？
