香港人自high出水話支持曾俊華做乜？　　從頭到尾都唔關你地事

曾俊華今日正式宣佈參選，全港市民齊齊自high，稱支持他，認為他比其餘的候選人好。有人更分析曾俊華的參選全文，稱他可以幫助香港。其實，從頭到尾香港人high黎做乜？選特首呢件事，從頭到尾都唔係你去選，關你班香港人乜事？

美國總統Donald Trump被選上後，好多香港人係度恥笑，話民主制度崩壞，人人有得選都選咗件咁嘅嘢出黎。可悲嘅係，香港人一人一票選擇一件垃圾出黎嘅機會都無。香港人咁鐘意同人比較，明顯係由頭到尾都係自信心不夠，社會氣氛差，居無定所，又無將來，唯一可以做嘅，就係睇人仆街，然後填補心靈的空虛。
[the_ad id=”41111″]
香港今次的特首選舉，從頭到尾都唔係選舉。佢唔係由香港永久居民一人一票選出黎，大家除咗只係可以係Facebook㩒個讚，自high係度比較各候選人的Fans人數（其實比黎做乜？香港人係咪比較比少一陣都唔得？），進行無謂的分析外，到最尾又係要聽中央話。若果你以為民望高，中央就會理香港人意願嘅話，你就真係太過天真，too simple too naive。

計我話，各大傳媒把其稱為特首選舉都係好唔啱，正確啲黎講，係「聽阿爺話事」欽點邊個新老細落黎而已。