BuzzHand內容農場獲Facebook認證嘉許　　我地真係好妒忌

好多人成日話我地妒忌人地，又話我地同某某某網站同期，人地做得咁有聲有色，我地winandmac卻如此垃圾。係，我地認，我地真係好妒忌。好似唔係好耐之前亂傳阮小儀同余文樂拍拖的內容農場BuzzHand，而家仲獲得埋Facebook藍剔認證嘉許，我地真係十分妒忌和羡慕。

[the_ad id=”41111″]
以前好多傳媒都探討過內容農場問題，偷文、亂作、誇張標題令大家智商急劇降低，可惜嘅係，香港唔少人和平理性，話：個篇BuzzHand文其實都有少少真嫁！唔好咁唔理性。我地winandmac真係唔長進，唔識學習，仲每一日編輯死寫爛寫，都唔夠內容農場咁多咁「豐富」嘅文章。

BuzzHand而家有埋Facebook藍剔認證，亦即係話Facebook同意佢地係傳媒公司，至於文章質素就⋯

係而家呢個年代，啲人盲目地講數字，一切只要量多唔要質素。唔怪得香港有幾間大型嘅傳媒公司，都決定要走內容農場呢條路。狂寫喪寫亂咁寫，靠爆靠大家瘋傳。唔好以為你唔睇內容農場就無事，Facebook都認證埋，即係佢嘅Reach遠高於其他用心做嘅傳媒。Facebook話會打擊假新聞，而家整單咁嘅嘢，真係笑死人。