咪又係咁　　你估小米識飛咩

昨天小米一連公布三件新產品，包括手機、平板及淨化器，即使撇除比較家居的淨化器，手機及平板也反應不算熱烈，甚至有記者講：「咪又係咁，你估小米識飛咩？」冇錯，小米的產品唔會飛，不過以千多元的價錢來計，絕對抵玩！

先講紅米Note 3，有金屬機身、指紋識別和4000mAh大電池，基本的2GB RAM + 16GB ROM版本為899元人民幣（約港幣＄1,090，而3GB RAM + 32GB ROM售1,099 元人民幣（港幣＄1,333 ），千三元有這個規格，對得住消費者。至於小米平板2用全鋁合金一體式機身，厚6.95mm重322g，7.9 吋螢幕解像度2,048 x 1,536，配備Intel Atom X5-Z8500四核處理器等等，最平16GB版本999元人民幣（約港幣＄1,211），今次更可選擇Window 10版本，有齊Word、Excel、PowerPoint等Office軟件，真係冇得輸！同場更有小米空氣淨化器2，不過小記唔熟家居電器，就無謂加把口了！結論：小米的紅米Note 3及小米平板2新產品一定唔係勁到識飛，但性價比依然超高，慳下的金錢可以讓你買張平機票－－飛到夠！