阿鬼
好多朋友去宿營都玩過乒乓波同足球機，好玩就幾好玩，不過都係去宿營先有得玩，張乒乓波枱同足球機又貴又佔地方，要放響屋企應該唔使諗！不過有網站Kickpick就推出紙製乒乓波枱同足球機，一個喼就可以拎返屋企，so easy！
咪以為紙製就好化學，乒乓波枱同足球機都用足料，足球機的「踢波」位更用上木材，確保玩到之餘又耐玩，最抵讚當然係安裝同拆除都好方便，一箱拎到去邊打開就可以安裝，玩完又可以拆除放落床下底，大廳想變身遊戲房真係話都冇咁易。售價方面足球機美金$112，乒乓波枱美金$67，同時買就只係美金$145，大約港幣$1,131就可以拎返屋企，抵玩喎！
