阿鬼
真係講乜都冇用，有人睇先係王道，前日公佈港視上周收視再度急挫30.48%，每日平均點播用戶由105,000下降至73,000；每日平均直播用戶則由117,000跌至89,000，跌幅都有兩成幾，比起股災更加恐怖，亞視就話有大陸佬撐啫，港視靠Wiki一個去頂，危啲喎！
《選戰》初播時氣勢如虹，但最近已甚少人談論，劇中飾演張癸龍的王宗堯都話出乎意料之外，預計十萬係底數，而家跌到咁，希望落商場做宣傳幫下手。而青春歌舞戀愛劇《童話戀曲201314》就更大鑊，直頭好似冇人睇過一樣，鬼咩，靠關楚耀同蔡穎恩兩個，叫座力當然同其他劇有距離啦！收視越跌越勁，王維基決定推遲再拍新劇，咁其實係咪代表佢都宣布投降呢！
