神級空難app　　同你計墜機意外有幾大

舊年至今空難一單又一單，搞到有D朋友搭飛機都有陰影，有程式設計師就設計了一個Am I Going Down的app，透過各種因素推算你乘搭的飛機發生意外的可能性，呃神騙鬼定求個心安，睇你自己點諗囉！

Am I Going Down用法簡單，只要輸入起飛地、目的地、航班及飛機型號，app就會計算出你失事的機率有多大，設計這個app的Vanilla Pixel，利用美國國家運輸安全委員會及國際民航組織的歷史數據作為運算機礎，起碼叫做有數據支持，唔係齋吹水，所以唔係免費任用，盛惠港幣$8。