阿鬼
假期一大班朋友聚會，好多時都會有部即影即有，影下影下拎住一張張相在手，感覺總是比數碼相片開心。不過即影即有的相紙起碼$5一張，有公仔的更加要$8以上，玩一次都幾貴，最近有公司就計劃生產一部超平即影即有相機，影一張即影即有相只需$0.024，即係平時影一張的價錢，用呢部影已經可以影200張，好抵喎！
由電子工程師Michael Ciuffo研發的PrintSnap相機特別之處，是用一段印收據的發票來印相，相片的面積是3吋 x 1.75吋，相片是黑白或者嚴格點說是半色調(halftone)，而像素就只有640 x 384，只是足夠你拍下影像，加上發票用的是熱感紙，如果你想長期保存的話，就是過膠或者再影印。但好處真的是平，普通市面上買到的一卷發票，就可以印150張，真係狂影都唔傷荷包，加上而家連Leica都出只影黑白照的數碼相機，如果你將PrintSnap定位為黑白的寶麗來，說不定會成為潮人至愛呢！唯一的壞消息是這部相機仍未投產，心急想買的朋友可能要等一等了。
