又出圓形智能手錶　　今次玩長命半年唔使充電

記者：阿鬼 November 25, 2014, 11:08 am

傳聞Moto 360好快會有下一代新款，到時會踢走下面條黑Bar，真正做到全圓錶面，可見圓形真係有市場，下年智能手錶陸續有來，Nevo是另一隻圓形錶款，冇錯，又係圓形！

今次推出新錶的並非大品牌，而是在Indiegogo上籌錢的Nevo，Nevo真真正正回歸簡約，照樣可以用藍牙來接駁手機，但功能就只限於來電、短訊等提示功能及計步器，透過震動及錶面上時鐘位置的LED燈來作出提示，從技術上看比較沒那麼智能，但簡簡單單滿足到輕量的智能需要。而且錶身以兩粒電池運作，一粒用作普通計時，可用5年；而另一粒則作為其他功能的電力，約可用半年，比起現時很多智能手錶一日一差方便得多。