阿里巴巴向員工發通知　　禁員工用Claude Code

綜合外國傳媒報道，中國阿里巴巴據報禁止員工，在工作上使用Anthropic的AI寫程式工具Claude Code，又再一次「唔係你飛我，係我飛你先」。Anthropic稱不向中國提供Claude商業服務，亦限制由中國公司控制的海外附屬公司使用其服務。不過，中國大陸人一直都有超多奇怪方法，繞過一切限制，使用Claude Code服務。據稱方法之多，令外國人都覺得驚訝，包括個人帳號、中轉服務、轉售商、假帳號、甚至乎偷外國信用卡，然後在淘寶等平台向一般用家「提供」服務。

簡單黎講，今次預計可能係阿里巴巴唔想有任何員工，在工作上私自搵方法使用Claude Code，要佢地用番阿里巴巴旗下的Qoder。早前網上有傳言指，Claude Code會檢查用戶環境，包括時區和連線來源資料，並在用戶向AI提出的指令中加入不易察覺的標記，這些指令會送往Anthropic伺服器，程式碼中更有寫住中國北京時間。Anthropic員工其後在X稱，有關安排是2026年3月開始的實驗，目的是防止未經授權者轉售帳號，以及防止其他公司用Claude輸出訓練自己的模型。Anthropic員工稱佢地而家有更強的檢查機制，相關程式碼將會移除。