維港聖誕村莊嘉年華連「香港人」清酒也禁止　　賣家質疑係咪要改做「中國人」

自從國安法實施後，有人曾經擔心日後自稱「香港人」是否都會犯法，應該要叫「中國人」先可以。如一AsOne團購網購平台最近參加灣仔的維港聖誕村莊嘉年華時，於昨日下午被告知官員到海濱市集巡視，影相後有人向主辦單位施壓，向他們要求收起名為「香港人」的清酒，唔准再賣。如一表示，唯有退出有關嘉年華。

如一質疑『「香港人」都唔賣得，係咪要改做「中國人」先賣得？』，他們亦稱「愛自己嘅城市，已經不再被允許。」。如一表示會改去旺角的九隻孤猫的聖誕市集。