winandmac推出全新app Inbox9Me　　傳媒1秒把所有post變成留言等inbox！

監於中國香港人智商愈來愈低，連Google都唔多識用，淨係識留言等inbox，以及傳媒無論點有心寫文章都係曬鬼氣，再加上香港各科技品牌根本淨係睇數字的大趨勢下，我地winandmac Media的IT狗決定花數個月的時間，研發出全新的Inbox9Me app，幫助香港各大仍未醒覺的老土傳媒，極速把所有post變成留言等inbox！

這篇文章在4月1日發佈，純粹是愚人節笑話，祝各位愚人節快樂！

Inbox9Me app用法相當簡單，只要用語音話俾隻app知，它就會自動產生psd和png檔案。傳媒工作者可以用Photoshop把其開啟，像上圖般按需要自行編輯，例如加入更多的關鍵字，提大家點樣留言等！

Inbox9Me app還特設極速發佈模式，傳媒工作者可以連諗都唔駛諗，一㩒就可以出一個留言等inbox的post。Inbox9Me app特別混合了而家最流行的扑Chain同AI技術，不斷學習香港人愈黎愈低的智商，叫大家留言等inbox的post可以要幾低B有幾低B！好似我地之前測試app期間，就成功創造當天全港熱門分享的文章之一，觸及率爆升！

Inbox9Me app月費為HK$9999999999，香港多間傳媒都已經與winandmac Media簽約！相信係不久的將來，每個香港傳媒都會運用Inbox9Me技術，每一篇Facebook文章都會變成留言等inbox的post！