阿鬼
彭博記者Mark Gurman在最新一期Power On提到，蘋果首部摺疊式iPhone的消息，他稱摺疊式iPhone將會有四個鏡頭，而且會用Touch ID指紋解鎖而不是Face ID。四個鏡頭分別是前鏡頭、內鏡頭和兩個後鏡頭，配合摺疊螢幕的不同用法，預計在2026年推出。
傳言提到，摺疊iPhone會像書本一樣打開，打開後有大螢幕。合上時外螢幕大概5到6吋，並會有前鏡頭。後面主鏡頭用來影最靚相，第二個後鏡頭就用來影超廣角或遠攝，不過暫時未知係邊種。打開後8吋大螢幕，會看到第四個鏡頭自拍。由於摺疊產品對厚度要求嚴格，複雜的TrueDepth鏡頭系統根本放不入纖薄機身，所以即使蘋果大部份產品已使用Face ID，蘋果仍然要改用側邊按鈕的Touch ID指紋識別。
傳言指，新機會用蘋果第二代C2數據機晶片，上網更快，但沒有實體SIM卡槽。其實iPhone 16e已經用咗蘋果第一代C1數據機，而今年推出的iPhone 17 Air纖薄版都會用C1晶片。到明年C2數據機就會用在摺疊iPhone身上，支援更快網速。2025年iPhone 17 Air同2026年摺疊iPhone全部型號都唔會有SIM卡槽，現時iPhone只係美國以外地區先有SIM卡槽。
Gurman在報道中指，蘋果現在試緊黑色同白色兩款顏色，預計明年秋天賣。作為蘋果第一部摺疊裝置，肯定會好受歡迎，不過幾受歡迎就睇價錢。就算高階Android摺疊機都要成1800美金以上，蘋果的摺疊機只會更貴不會更平。供應商會在明年初開始加大生產，準備秋天推出市場。
Gurman亦提到蘋果最近改用in-cell顯示技術取代on-cell技術，相信可以令摺疊iPhone的螢幕摺痕變得唔咁明顯。到2027年，蘋果將重新設計iPhone，用全新全玻璃設計。今年就會比較悶，iPhone 17系列外觀跟現時iPhone 16幾乎一模一樣，只係背面鏡頭模組改用新的長方形設計，但今年會新增iPhone 17 Air型號，以薄機身希望吸引大家注意。
（配圖由AI所生成）
