阮民安發表文間接承認偷嘢？　　「從來無諗過要上庭」

阮民安早前涉在超級市場偷嘢被捕，價值HK$140，原定需於日前首次提堂，但最終他沒有上庭，法官正式對他發出拘捕令。阮民安於數小時前發佈長文，一開始就稱「係我從來無諗過要上庭」。他亦宣稱國安想搵佢宣傳和篤灰，並指他於四月至六月期間開過銀行戶口，但全部被凍結，他更於留言張貼有關戶口被凍結的通知。

阮民安續稱，在事發當日有便衣跟他說，「日日去百佳惠康買嘢，記得拎單呀，捉到你無單當你偷嘢」。他宣稱當時已叫朋友拍片，並指想測試班差佬係咪真係會咁做，並說「我依家就入惠康直接拎野出嚟」，然後「係，我真係就咁求其喺入面拎咗啲嘢，直接喺個便衣面前放入袋無過機就行咗出去。」。他宣稱是便衣逼他，被威脅到頂唔順，結果真係被拉。換句話說，技術上阮民安承認有偷嘢。

阮民安最後聲稱他已離港，並指將會在「世界各地見到我」。