in

英國睇電視竟然要俾錢?!  有無廣東話節目? | 入英隨俗

ViuTV大叔的愛令香港人愛上追電視,只要有電視有天線就可以享受源源不絕免費娛樂節目,唔睇大台買部電視就可以免費睇。很多人移民英國前,不少人都聽過英國睇電視要俾錢,即時大大聲港仔港女性格浮曬上面:「吓?要俾錢嫁?」。

其實講法唔太正確,係英國只有特定三種情況下才需要俾錢,亦即買所謂的TV Licence。TV Licence係按住戶收費,即係你一間屋就一要交一次,你屋企有廿部電視都係交一次。第一種現在常見的情況是,就算你用手機睇或電腦睇任何電視直播,例如BBC、itv、Channel 4、5、Sky、Now TV(唔係香港個間)甚至乎YouTube直播、Amazon Prime Video的直播節目等,其實都係要俾錢買TV Licence。第二種情況就係,若果你要睇BBC任何節目,就算係非直播節目,包括On Demand點播,也要有TV Licence。最後一種情況,就是若收看或錄低傳統電視上的任何頻道播放的內容,都應購買TV Licence。

每年收費為彩色電視為£159,至於黑白電視收費則為每年£53.5,記住有關費用每年都可能會有改變,建議到英國官方網站https://www.tvlicensing.co.uk 查閱。記住每次搬屋都要再申報一次,因為係用地址去確認。留意若果你要睇英超、西甲、意甲等,你係要再額外去Sky Sports或BT Sports付月費睇收費電視。BBC等「免費」電視未必每有相關體育賽事直播。

俾咗TV Licence之後,你就可以合法買部電視番黎,又或者去BBC、itv、Channel 4、5等提供免費電視頻道直播網站,睇BBC One、Two、itv、Channel 4等直播,又或按需要再俾額外錢訂Sky或BT Sports睇波。當然,你學港女港仔性格「偷雞」,我地就唔建議,因為真係會有人隨機抽樣咁查,一旦中招罰就唔好了。

上面我地提到,其實英國睇電視「一定」要俾錢講法不太正確。因為其實若果你淨係睇Netflix非直播點播、非BBC的On Demand節目、YouTube非直播節目,又或只係用電視打機睇Blu-ray,都係不用付TV Licence。當然最好就係參照番政府網站,因為我地唔知你幾時睇到呢篇文,到時英國政府法例一改就麻煩。其實最簡單方法,我地建議最好都係俾咗佢,無謂引發不必要的麻煩。而且移民英國,唔睇下local節目盡快融入都似乎不太合理。

最後,亦要提醒下租屋的朋友,唔好見到屋有部電視就假設包租公或包租婆有俾TV Licence,最好問清楚避免麻煩。

記者:阿鬼